ՈՒԵՖԱ-ն համապատասխան նամակով Ուկրաինայի ֆուտբոլի ֆեդերացիային արգելել է օգոստոսից հոկտեմբեր ամիսներին Ուկրաինայի բոլոր մարզադաշտերում ֆուտբոլային հանդիպումներ անցկացնելը, բացի Կիեւի «Օլիմպիական»-ից եւ «Լվովի արենա»-ից։
Տվյալ սահմանափակումը տարածվում է Ուկրաինայի ազգային հավաքականի, Ուկրաինայի երիտասարդական ազգային հավաքականի եւ կանանց հավաքականի խաղերի վրա, որոնք անցկացվում են ՈՒԵՖԱ-ի հովանու ներքո։ Հաղորդում է dynamo.kiev.ua-ն։
Արգելքը չի վերաբերում եվրագավաթային հանդիպումներին, հավանաբար, այն պատճառով, որ Չեմպիոնների լիգայի եւ Եվրոպա լիգայի կազմերը, տվյալ պահին, պաշտոնապես որոշված չեն։
ՈՒԵՖԱ-ի հետագա որոշումներն այս հարցում կախված կլինեն Ուկրաինայում քաղաքական իրավիճակների զարգացումից։
