Լոնդոնի «Արսենալի» նախկին գլխավոր մարզիչ Արսեն Վենգերը շարունակում է մնալ առանց աշխատանքի: Վերջերս ֆրանսիացին մերժեց ռուսական «Սպարտակի» առաջարկը: Պատճառն այլ ակումբից հավանական հրավերն է: Այս մասին հայտնում է vnews.am-ը:
Ինչպես հաղորդում է Goal.com-ը` հղում անելով BeIN Sports-ին, Արսեն Վենգերը հայտարարել է, որ միշտ երազել է գլխավորել «Մանչեսթեր Յունայթեդը»: Նրա խոսքով` ակումբն այսօր տանջվում է Ուլե Գունար Սուլշերի ձեռքում: Վենգերը նշել է, որ այսօր թիմը մրցունակ չէ, սակայն ձմռանը 4 համալրում անելու դեպքում դարձյալ կարող է պայքարել մրցանակային տեղերի համար:
«Մանչեսթեր Յունայթեդը» նոր մեկնարկած առաջնությունում անցկացրել է 6 հանդիպում ու վաստակել միայն 8 միավոր՝ հանգրվանելով 8-րդ հորիզոնականում:
