Սեպտեմբերի 24-ին Հանրապետական ծննդատանը մահացել էր Կոտայքի մարզի բնակչուհի, 2 երեխաների մայր, 33-ամյա Հայկուհի Խաչատրյանի նորածինը։ Այս ընթացքում Հայկուհին, որն իր երեխայի դին չէր տեսել, անանուն զանգ է ստացել, որով կնոջը հաղորդել են, որ նորածնի մարմինը դատաբժշկական փորձաքննության չեն ուղարկել։
«Խաբեություն է, ես երեխայիս դին չեմ տեսել, ինձ տեղեկացրեցին, որ ոչ մի լաբորատորիայում չկա»,- hraparak.am-ի հետ զրույցում ասել է Հայկուհին։
Ըստ տեղեկության՝ նա ամեն ինչ կասկածում է՝ սկսած օրգանների վաճառքից, վերջացրած նրանով, որ իր երեխան ողջ է։
Կինը մեր զրույցի պահին ոստիկանների ուղեկցությամբ ուղևորվում էր դիահերձարան։
