Լրագրողների հետ հանդիպմանը «ԱՅՈ»-ի շտաբի պետ Սուրեն Պապիկյանը վերահաստատեց Նիկոլ Փաշինյանի խոսքը, որ գեթ մեկ քվե կեղծելու պարագայում խստորեն պատժվելու է այդ անձը.
«Որեւէ մեկը թող իշխանությանը արջի ծառայություն չմատուցի, կլինի գյուղապետ, թաղային հեղինակություն, թե այլ մեկը: Մենք դրա կարիքը չունենք, ՀՀ քաղաքացուն տրված իրավունքն ու նրան տված հնարավորությունը որեւէ կերպ չի կարող փոխակերպվել պարտադրանքի: Սա մեր հավատամքն է, որից չենք հրաժարվելու: Որեւէ այլ մտայնություն պետք չէ: Ցուցումը հստակ է՝ որեւէ մեկը չի կարող շրջանցել իրեն տրված լիազորությունը, հակառակ դեպքում օրենքի առաջ պատասխանատվության կենթարկվի»,- նշեց Սուրեն Պապիկյանը:
