ՈւԵՖԱ-ն հրապարակել է այն 4 ֆուտբոլիստների անունները, որոնք հավակնում են դառնալ Չեմպիոնների լիգայի շաբաթվա լավագույն խաղացողը: Այս մասին հաղորդում է vnews.am-ը:
Լավագույնի կոչմանը հավակնում են ՊՍԺ-ի կիսապաշտպան Անխել դի Մարիան, որը «Ռեալի» դեմ խաղում դուբլ ձևակերպեց, «Բարսելոնայի» դարպասապահ Մարկ-անդրե տեր Շտեգենը, որը հետ մղեց Ռոյսի իրացրած 11-մետրանոցն ու անառիկ պահեց դարպասը «Բորուսիայի» դեմ խաղում, «Զալցբուրգի» հարձակվող Էրլինգ Հալանդն ու «Դինամո Զագրեբի» ֆուտբոլիստ Միսլավ Օրշիչը, որոնք հեթ-տրիկի հեղինակ դարձան համապատասխանաբար «Գենկի» և «Ատալանտայի» դեմ խաղերում:
