Ոստիկանությունը հայտնաբերել է երեկ կեսօրին «Հայ Ազգային Կոնգրեսի» գրասենյակ ներխուժած և սպանության սպառնալիքներ հնչեցրած անձին: Նա Սպիտակ քաղաքի բնակիչ, 1957 թվականին ծնված Ա. Օհանյանն է:
Նոյեմբերի 2-ին, ժամը 01.15-ին, Օհանյանը հայտնաբերվել է Երևանի Թումանյան 3 շենքի մոտ ու բերման ենթարկվել Ոստիկանության Կենտրոնական բաժին, որտեղ տվել է խոստովանական բացատրություն: Այս մասին հաղորդում է Ոստիկանության կայքը:
Հիշեցնենք, որ նոյեմբերի 1-ին, ժամը 12.35-ի սահմաններում, Ոստիկանության Երևան քաղաքի վարչության օպերատիվ կառավարման կենտրոնից Կենտրոնական բաժին ահազանգ է ստացվել, որ իրենց է զանգահարել մի քաղաքացի և հայտնել, որ Սարյան 38 հասցեում երկու դանակներով զինված մի տղամարդ է ներխուժել և սպառնալիքներ է հնչեցրել:
Անձնական խուզարկությամբ Ա. Օհանյանի մոտ հայտնաբերվել են հանցագործության գործիք հանդիսացող երկու դանակները՝ շեղբի 11 սանտիմետր երկարությամբ: Քննությունը շարունակվում է: Այս մասին Araratnews.am-ի թղթակցի հետ զրույցում տեղեկացրել է ՀՀ ոստիկանության լրատվությոն բաժնի աշխատակիցը:
Էմմա Պալյան
