Երեկ Չեմպիոնների լիգայի խմբային փուլի 5-րդ տուրի ՊՍԺ — «Օլիմպիակոս» հանդիպումից հետո (2։1) տանտերերի շվեդ հարձակվող Զլատան Իբրահիմովիչը կրկին անդրադարձել է «Ոսկե գնդակի» խնդրին։ Նա ասել է, որ առանց այս մրցանակի էլ պարզ է, թե ով է ամենաուժեղը։
«Ինձ «Ոսկե գնդակ» պետք չէ, որպեսզի իմանամ, որ ամենաուժեղը ես եմ», — ասել է Իբրահիմովիչը։ Այս մասին հաղորդում է Marca-ն։
Հիշեցնենք, որ շվեդ հարձակվողը «Ոսկե գնդակի» հավակնորդների ընդլայնված ցուցակում է։ Սակայն շատերն այս մրցանակաբաշխության երեք ամենագլխավոր հավակնորդների ցուցակում Իբրահիմովիչի անունը չեն նշում։
