Շվեյցարիայի իշխանությունները երկրի բանկերում սառեցրել են մոտ 193 մլն դոլարի հաշիվներ, որոնք պատկանում են Ուկրաինայի պաշտոնանկ արված նախագահ Վիկտոր Յանուկովիչին և նրա մերձավորներին։ Այս մասին հաղորդում է Reuters գործակալությունը։
Սառեցման որոշումը կայացվել է այն բանից հետո, երբ դատախազությունը որոշում է կայացրել 5 քրեական գործ հարուցել վերոնշյալ անձանց դեմ, որոնք մեղադրվում են փողերի և ակտիվների լվացման մեջ։
Շվեյցարիան, դեռ փետրվար ամսին, մի շարք պատժամիջոցներ է կիրառել Ուկրաինայի նախկին բարձրաստիճան պաշտոնյաներ դեմ, այդ թվում սառեցրել է նրանց հաշվեհամարները։
