Շվեյցարիայի արտաքին գործերի նախարարությունը մեկնաբանել է մամուլում հայտնված այն տեղեկությունները, որի համաձայն Թուրքիայի արտգործնախարարությունը դիմել է իրենց` միջնորդ հանդիսանալու ինչպես հայ-թուրքական, այնպես ղարաբաղյան հարցի կարգավորման գործընթացում:
Մեկնաբանելով ղարաբաղյան հակամարտության խաղաղ կարգավորման գործընթացում Շվեյցարիայի միջնորդական գործունեության մասին լուրերը` արտաքին գործերի նախարարությունում ասել են, որ ԵԱՀԿ-ում Շվեյցարիայի նախագահության տարիներին կլինի ուշադրության կենտրոնում. «Շվեյցարիան ստանձնում է 2014 թվականին ԵԱՀԿ նախագահությունը: Հարավային Կովկասում երկխոսության ու փոխվստահության ամրապնդումը կլինի Շվեյցարիայի նախապատվություններից մեկը: Շվեյցարիան կաջակցի Լեռնային Ղարաբաղի հարցի խաղաղ կարգավորմանը»:
Հիշեցնենք, որ թուրքական Today’s zaman-ը գրել էր, որ Թուրքիան կոչ է արել Շվեյցարիային՝ աջակցություն ցուցաբերել հայ-ադրբեջանական բանակցություններին, ինչը թույլ կտա ճանապարհ բացել Անկարայի համար Երևանի հետ հարաբերություններում:
