Շվեյցարիայում ուսումական թռիչքի ժամանակ վթարվել է F/A-18 կործանիչը: Դեպքը տեղի է ունեցել Օբվալդեն և Նիդվալդեն կանտոնների սահմանագծում՝ Ալպնախ բնակավայրի մոտ: Այս մասին հաղորդում է Blick.ch-ը:
Կործանիչն ընկել է երկաթգծի վրա, որի աշխատանքներն այժմ դադարեցված են: Վթարի պահին երկաթգծի վրա գնացք չի եղել: Այդ մասին հայտնում է Matin թերթը: Ականատեսների վկայությամբ, երկու կործանիչներ թռել են կողք կողքի, այնուհետև դրանցից մեկը բախվել է ուղղահայաց ժայռին: Վթարի վայրում հրդեհ է առաջացել:
Կործանիչի մեջ գտնվող օդաչուների մասին դեռ ոչինչ չի հաղորդվում:
