Շվարցենեգերը բացահայտել է նոր Տերմինատորի անվանումը (լուսանկար)

Հոլիվուդյան հայտնի դերասան, Կալիֆոռնիայի նախկին նահանգապետ Առնոլդ Շվարցենեգերը Instgram-ի իր էջում բացահայտել է «Տերմինատոր» ֆիլմի հինգերորդ մասի անվանումը՝ հրապարակելով լուսանկար նկարահանման հարթակից։

Լուսանկարում երևում է, որ դերասանի բաճկոնի վրա գրված է Terminator Genisys։ «Անհամբեր սպասում եմ ֆիլմի եզրափակիչ տարբերակին։ Վստահ եմ, որ մենք կհիշեցնենք մեր երկրպագուներին, թե ինչու են նրանք սիրում «Տերմինատորը», — գրել է Շվարցենեգերը։

Ակնկալվում է, որ ֆիլմը տեսավարձույթում  կհայտնվի 2015 թվականի հուլիսի 1-ին։

Paramount ստուդիայի կողմից նկարահանվող ֆիլմում Սարա և Ջոն Քոնորների դերում նկարահանվել են Քմիլիա Քլարքն ու Ջոյսոն Քլարկը։ Այս մասին հաղորդում է The Hollywood Reporter-ը։