Ամերիկյան Paragon Space Development ընկերությունը մատուցում է տիեզերական տուրիզմի նոր տարբերակ: Ընկերությունն առաջարկում է օդապարիկով ստրատոսֆերա բարձրանալ:
Նոր սերնդի օդապարիկը, որը նախատեսված է ութ հոգու համար, կարող է մինչև 30 կմ բարձրության վրա գտնվել: Ինչպես հայտնում է The Wall Street Journal-ը, սա կարող է ոչ շատ թանկ այլընտրանք լինել տիեզերական զբոսաշրջությանը:
Օդապարիկը հագեցված կլինի կենսապահովող համակարգով և հնարավորություն կտա ստրատոսֆերա ճանապարհորդել առանց պաշտպանիչ կոստյումի և թթվածնային դիմակի:
