Երեկ ՖԻԴԵ-ի նախագահ Կիրսան Իլյումժինովը հայտարարել է, որ Մեքսիկայի բոլոր դպրոցները հաջորդ տարվանից մտցնելու են շախմատային ուսուցում առարկան։ Այս մասին հաղորդում է RIA-Novosti գործակալությունը։
«Շախմատը դպրոցում» ծրագիրը ներառելու է Մեքսիկայի բոլոր 200 հազար դպրոցները, և բոլոր այդ դպրոցներում շախմատային ուսուցումը կլինի որպես պարտադիր առարկա»,- ասել է Իլյումժինովը՝ հավելելով, որ ՅՈՒՆԵՍԿՕ-ի հետ ստորագրվել է համապատասխան համաձայնագիր, որով շախմատի ուսուցումը ներառվելու է այդ կազմակերպության ծրագրում որպես կրթական և մշակութային ուսուցման կարևոր բաղադրիչ։
Հիշեցնենք, որ շախմատի ուսուցումը պարտադիր առարկա է նաև Հայաստանի դպրոցներում։
