«Իմ քայլը» խմբակցության պատգամավոր Քրիստինե Պողոսյանը պատճառը չի հասկանում, թե ինչու պետք է խմբակցության պատգամավոր Անդրանիկ Քոչարյանը ներողություն խնդրի արդարադատության նախկին նախարար Արփինե Հովհաննիսյանից: Այս մասին գրում է «Ա1+»-ը:
«Պարոն Քոչարյանը հասուն տղամարդ է, եթե կարիք զգա ներողություն խնդրելու, ես չէ, որ պետք է նրան դրա մասին ասեմ: Եթե անհրաժեշտ համարի, որ պետք է ներողություն խնդրի, ապա հանգիստ կասի»,- խորհրդարանում լրագրողների հետ զրույցում ասաց պատգամավորը:
Ըստ Քրիստինե Պողոսյանի՝ աղմուկը բարձրացել է այն պատճառով, որ հասարակությունը երկակի ստանդարտներով է ապրում:
«Նույն պայմաններում վիրավորում են տղամարդուն, ձեզնից ոչ մեկը չի պաշտպանում այդ տղամարդուն»,- դիմելով լրագրողներին՝ ընդգծեց Քրիստինե Պողոսյանը:
