«Ժամանակ» թերթը գրում է.
«Կառավարությունը պատրաստվում է փոփոխություն կատարել Քրեական օրենսգրքի 179-րդ հոդվածի 3-րդ մասում:
Գործող օրենսգրքով յուրացման կամ վատնման համար, որը կատարվել է պաշտոնեական դիրքն օգտագործելով, որպես լրացուցիչ պատիժ նախատեսված է որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը` առավելագույնը երեք տարի ժամկետով կամ առանց դրա: Բայց եթե յուրացումը կատարվել է առանձնապես խոշոր չափերով կամ կազմակերպված խմբի կողմից, նման լրացուցիչ պատիժ նախատեսված չէ: Սա ակնհայտորեն արվել է այն նպատակով, որ պետական բյուջեից խոշոր վատնումներ կատարողները կարողանան շարունակել իրենց գործունեությունը պետական ապարատում, նույնիսկ իրենց հանցանքի բացահայտման դեպքում:
Նոր իշխանությունը փորձում է լրացնել այս բացը»:
Առավել մանրամասն՝ թերթի այսօրվա համարում:
