ԱՄՆ նախագահ Բարաք Օբաման այս գումարման Կոնգրեսը համարում է ամենաանարդյունավետը երկրի պատմության ընթացքում։ Այս մասին հայտարարել է Սպիտակ տան ղեկավարը՝ ելույթ ունենալով Դեմոկրատական կուսակցության համար կազմակերպված դրամահավաքի ընթացքում։ Հաղորդում է Reuters գործակալությունը։
«Օբյեկտիվ ցուցանիշներով սա ամենաանարդյունավետ Կոնգրեսն է ժամանակակից պատմության ընթացքում», -ասել է Օբաման։ Ներկայում Սենատում մեծամասնությունը պատկանում է դեմոկրատներին, մինչդեռ ներկայացուցիչների պալատում մեծամասնություն են կազմում հանրապետականները։ Այս պատճառով երկու պալատներն էլ հաճախ արգելափակում են մրցակից կուսակցության ներկայացրած օրինագծերը։
Օբաման երեկ քննադատել է հանրապետականներին, մասնավորապես, տղամարդկանց և կանանց վարձատրության չափերի մեջ տարբերությունը վերացնող, ինչպես նաև միգրացիայի ոլորտում բարեփոխումներ իրականացնելու օրինագծերը։
