Նյու Յորքի բնակիչներին սկսել է նյարդայնացնել քաղաքի նոր ղեկավարը։ Բանն այն է, որ Նյու Յորքի քաղաքապետ Բիլ դե Բլազիոն, ուրբաթ օրը այցելելով Goodfellas Pizza ռեստորան, պիցցան կերել է դանակ-պատառաքաղով՝ այդպիսով խախտելով այս կերակրատեսակը ձեռքով ուտելու ավանդույթը։ Տարածված լուսանկարներում երևում է, որ քաղաքապետը այն ուտում է դանակ-պատառաքաղով։ Սոցցանցերում տարածված լուսանկարը դարձել է լուրջ քննարկման առարկա։ Որոշ բնակիչներ նույնիսկ կոչ արեցին անվստահություն հայտնել քաղաքապետին։
Քաղաքապետն անմիջապես արձագանքել է Twitter-ում՝ փորձելով արդարացնել իր պահվածքը. «Goodfellas Pizza Սթեյթեն Այլենդը շատ լավն է, ինչպես էլ այն վերցնես»։
