Համազգային Անկախության երթն արդեն մեկնարկեց 16:00-ին : Ակցիայի մասնակիցները «Մենք ենք տերը մեր երկրի», «Ազատ, անկախ Հայաստան» կարգախոսներով պաստառներով շարժվելու են Ազատության հրապարակից դեպի Հանրապտության հրապարակ, ապա Մաշտոցի պողոտա , Բաղրամյան պողոտա և կրկին Ազատության հրապարակ: Ակցիային են միացել տարբեր քաղաքական ուժերի ներկայացուցիչներ, քաղաքացիական ակտիվիստներ և ՀՀ քաղաքացիներ: Անկախության երթին մասնակցում է նաև ԱԺ ՀԱԿ խմբակցության անդամ, պատգամավոր Նիկոլ Փաշինյանը: ԳԱԼԱ-ի հետ զրույցում Փաշինյանը նշել է, որ. «Անկախ Հայաստանի ամենամեծ ձեռքբերումը հենց անկախությունն է, Արցախյան պատերազմում հաղթանակը և վերջին շրջանում մի կարևոր ձեռքբերում էլ ունեցանք` քաղաքացիական հասարակություն, ուզում եմ ասել` քաղաքացիական ինստիտուտի կայացումը»: ԳԱԼԱ-ի թղթակցի այն հարցին, թե արդյոք Հայաստանի անկախությանը վտանգ սպառնո՞ւմ է Մաքսային միությանը անդամագրվելով, Փաշինյանը նշեց, որ վտանգ սպառնում է և ընդհանրապես ՀՀ իշխանությունների վերջին տարիների գործելաոճը ինքնին վտանգ է մեր անկախության համար:
Աղբյուրը` galatv.am
