տուն Հասարակություն Նիկոլ Փաշինյանն այցելել է անվանի դերասան Արմեն Ջիգարխանյանին, հրավիրել նրան հայրենիք

Նիկոլ Փաշինյանն այցելել է անվանի դերասան Արմեն Ջիգարխանյանին, հրավիրել նրան հայրենիք

186
0

ՀՀ վարչապետ Նիկոլ Փաշինյանը Մոսկվայում այցելել է անվանի դերասան Արմեն Ջիգարխանյանին, հյուրընկալվել նրա տանը: Ողջունելով դերասանին, Նիկոլ Փաշինյանը նշել է, որ շատ ուրախ է անձամբ ծանոթանալու համար, ցանկանում էր ավելի շուտ գալ այցելության, սակայն Մոսկվայում եղել է տարեսկզբին ու բավական հագեցած այցով, այժմ եկել է՝ նրա որպիսությունն իմանալու համար: Վարչապետը նաեւ հետաքրքրվել է, թե երբ է դերասանը մտադիր գալ հայրենիք, լինել Հայաստանում:

Արմեն Ջիգարխանյանը նշել է, որ ցանկություն միշտ էլ կա եւ մանավանդ տարիների կենսափորձի արդյունքում, մեծ հասակում արդեն ավելի են մարդիկ կարեւորում հայրենիքի նշանակությունը, այնուհետ ասել է, որ եթե Նիկոլ Փաշինյանը ուզում է իր ղեկավարած թատրոնին հյուրախաղերով տեսնել Հայաստանում, պետք է լավ կազմակերպվի ամեն ինչ, որովհետեւ դա դժվարին գործ է, բացի այդ, նաեւ թանկ հաճույք է:

ՀՀ վարչապետն էլ ի պատասխան ասել է, որ կուզեր նախ անձամբ դերասանին տեսնել հայրենիքում, կարող է գալ ու պարզապես զբոսնել Երեւանի փողոցներում, տեսնել հայրենակիցներին ու Հայաստանը, իսկ հյուրախաղերի մասով հանձնարական կտա համապատասխան նախարարությանը՝ Ջիգարխանյանի թատրոնի այցի կազմակերպմամբ զբաղվելու համար:

Մանրամասները՝ տեսանյութում:

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here