Հայկական ֆուտբոլին մատուցած անուրանալի ծառայությունների և ունեցած ակնառու նվաճումների համար ՀՀ վարչապետը Մոսկվայում պարգևատրեց «Արարատ-73»-ի մարզիչ Նիկիտա Սիմոնյանին՝ «Հայրենիքին մատուցած ծառայությունների համար» 1-ին աստիճանի շքանշանով։
«Վարչապետը նշեց, որ իր համար շատ մեծ պատիվ է Նիկիտա Սիմոնյանին նման շքանշան հանձնելը:
«Ինձ համար, որպես մարդ, ում ամբողջ մանկության ընթացքում ուղեկցել է Նիկիտա Սիմոնյան անունը՝ որպես լեգենդ, մեծ պատիվ է այսօր ծանոթանալ նրա հետ: Կարծում եմ, որ այս շքանշանը շատ դիպուկ բնորոշում է իր հայրենիքի՝ Հայաստանի առաջ Նիկիտա Սիմոնյանի ունեցած վաստակը: Խոսքը ֆուտբոլի մասին չէ, քանի որ «Արարատ-73»-ը դարձել է մեր ազգային ինքնագիտակցության անբաժանելի մասը»,- նշեց Փաշինյանը:
Նա հույս հայտնեց առաջիկայում տեսնել «Արարատ-73»-ի մարզչին Հայաստանում:
Նիկիտա Սիմոնյանը շնորհակալություն հայտնեց Նիկոլ Փաշինյանին իր պարգևի համար:
