Եթե նիգերիացի այս նավաստուն ասես, որ հրաշքներ չեն լինում, նա այլ պատմություն կներկայացնի ձեզ, ինչից հետո դուք էլ կհավատաք անհավանական պատմությունների:
Այսօր համացանցում հայտնվել է մի տեսանյութ, որում երևում է, թե ինչպես են փրկարարները խորտակված նավում առաջացած օդային պարկից դուրս բերում նիգերիացի նավաստուն: Այս միջադեպը տեղի է ունեցել կես տարի առաջ, երբ «Ջեքսոն 4» նավը անցել է ծովի հատակը, որի խորությունը կազմում է մոտ 30 մետր: Այն ժամանակ անձնակազմի 10 անդամները զոհվել էին:
Դուրս բերելով զոհվածների մարմինները` փրկարարներից մեկը հանկարծ նկատել էր շարժվող ձեռք. «Դա շոկ էր ինձ համար»,- ասել է նա:
