Ամերիկայում աննախադեպ սառնամանիքները հետաքրքիր տեսարաններ են առաջացրել տարբեր բնակավայրերում։
-20 աստիճանի պայմաններում գրեթե սառչել է հանրահայտ Նիագարա ջրվեժը։ Այսպիսի բան հազվադեպ է պատահում այստեղ։ The Daily Mail-ը հրապարակել է զարմանահրաշ լուսանկարներ, որոնք ներկայացնում են այս օրերին բնական այդ հուշարձանի պատկերները։
Նույն աղբյուրի համաձայն, նման իրավիճակներ Նիագարայում տեղի են ունեցել 1911, 1912, 1936 թվականներին։ Իսկ երկարատև դիտարկումները ցույց են տալիս, որ Նիագարան ամբողջությամբ սառել է 1848 թվականին, երբ մեկ վայրկայնում մի քանի հազար խորանարդ մետր թողունակությամբ ջրվեժը քարացել էր միլիոնավոր տարիների պատմություն ունեցող լեռների ու ժայռերի նման։
