Երևանում այսօր քննարկվեց Արարատյան դաշտի ստորերկրյա ջրային ռեսուրսների գնահատման միջանկյալ արդյունքը: Ուսումնասիրությունն իրականացվել է «Հայջրնախագիծ ինստիտուտ»» ՓԲԸ և «Մել- Հով» ՍՊԸ փորձագիտական խմբի կողմից` ԱՄՆ Միջազգային զարգացման գործակալության ֆինանսական աջակցությամբ:
Հեղինակները տեղեկացրեցին, որ վերջնական հաշվետվությունը, որը նաև եզրահանգումներ ու կոնկրետ առաջարկություններ կպարունակի, պատրաստ կլինի 2014թ. տարեսկզբին և կներկայացվի ինչպես կառավարությանը, այնպես էլ շահագրգիռ այլ մարմիններին ու կազմակերպություններին:
