Իսրայելի վարչապետ Բենյամին Նեթանյահուն հրաժարվել է ներկա գտնվել Սոչիի Օլիմպիական խաղերին: Այս մասին հաղորդում է իսրայելական Haaretz թերթը:
Կառավարության ղեկավարի աշխատակազմի ներկայացուցչի խոսքով՝ այդ հարցն անգամ չի քննարկվել:
Ավելի վաղ հայտնի էր դարձել, որ տարբեր պատճառներով Սոչի 2014-ին հրաժարվել են ներկա գտնվել մի շարք քաղաքական գործիչներ, այդ թվում՝ Բրիտանիայի վարչապետ Դևիդ Քեմերոնը, Եվրոպական հանձնաժողովի փոխնախագահ Վիվյան Ռիդինգը, ԱՄՆ նախագահ Բարաք Օբաման, Ֆրանսիայի նախագահ Ֆրանսուա Օլանդը և այլք:
