ՆԱՏՕ-ն Ռուսաստանին առաջարկել է կազմակերպել Ռուսաստան — ՆԱՏՕ խորհրդի նիստ այն բանից հետո, երբ Ուկրաինայում տեղի կունենան արտահերթ նախագահական ընտրությունները: Այս մասին հաղորդում է ITAR-TASS գործակալությունը` հղում կատարելով ՆԱՏՕ-ի գլխավոր քարտուղար Անդրես Ֆոգ Ռասմուսենին:
Նրա խոսքերով` ՆԱՏՕ-ն Ուկրաինա է ուղարկել փորձագետների, որոնք մասնագիտացած են էներգետիկ օբյեկտների անվտանգության հարցում` հերքելով, թե այդ երկրում գործում են ՆԱՏՕ-ի ռազմական փորձագետներ:
Հիշեցնենք, որ Ղրիմի բռնակցումից հետո ծայրահեղ սրվել են Ռուսաստանի և ՆԱՏՕ-ի միջև հարաբերությունները, իսկ շփումները շատ հաճախ հասնում են վիրավորանքների:
