Այսօր Գլոբալիզացիա և տարածաշրջանային համագործակցության վերլուծական կենտրոնի նախաձեռնությամբ կայացավ «ՆԱՏՕ-Հայստան: ՆԱՏՕ-ն որպես պաշտպանության ժամանակակից մոդել» վերտառությամբ լայն քննարկում: Բացման խոսքում Ստեփան Գրիգորյանը ցավով նշեց ներկայումս ընթացող կարևոր գործընթացներիˋ այդ թվում և ԵՄ Ասոցացման մասին, որ շատ քիչ է ինֆորմացիան: «Ցավոք մենք չենք ստորագրում Ասոցացման պայմանագիրը, սակայն պետք է նշենք, որ այս գործընթացների մասին ևս շատ քիչ է ինֆորմացիան: Ես պետք է հիասթափեցնեմ բոլոր նրանց , ովքեր նշում են , թե Ասոցացման համաձայնագրում առկա է անվտանգության մեծ չափաբաժին: Պայմանագրում չկա անվտանգության մասին և ոչ մի խոսք»,- նշեց Ստեփան Գրիգորյանը: Բանախոսի շեշտեց, որ կոնֆերանսի շրջանակներում քննարկվելու է հարցերի բավական լայն շրջանակ:
