Առողջապահության նախարարությունն առաջարկել է լրացում կատարել կառավարության նախկին որոշումներից մեկում և նախազորակոչային տարիքի համար սահմանված պարտադիր կարգով կատարվող լաբորատոր-գործիքային ախտորոշիչ հետազոտությունների ցանկում պարտադիր դարձնել «էլեկտրասրտագրում» և «որովայնի օրգանների սոնոգրաֆիա» հետազոտությունները:
Գործող կարգի համաձայն՝ այդ հետազոտությունները պարտադիր չեն, «ինչը հանգեցնում է որոշ հիվանդությունների՝ միայն զորակոչային տարիքում հայտնաբերմանը»: «Նման մոտեցումը հնարավորություն չի ընձեռում նախազորակոչային տարիքում նման հիվանդությունների վաղ հայտնաբերման, հիվանդության առկայության դեպքում հետագա` պետության կողմից երաշխավորված անվճար ամբուլատոր կամ հիվանդանոցային բուժման և ապաքինման համար»,- ասված է նախագծի հիմնավորման մեջ:
