Հայաստանի նախագահ Սերժ Սարգսյանն այսօր երեկոյան կմեկնի Բրյուսել (Բելգիայի Թագավորություն)՝ մասնակցելու հոկտեմբերի 19-ին Եվրոպական ժողովրդական կուսակցության (ԵԺԿ) նախագահ Վիլֆրիդ Մարտենսի հուղարկավորության արարողությանը, հայտնել է նախագահի մամլո գրասենյակը:
Բելգիայի նախկին վարչապետ Մարտենսը, ով 1976-ին եղել է ԵԺԿ հիմնադիրներից մեկը, իսկ 1992-ից՝ նրա նախագահը, մահացել էր անցյալ շաբաթ 77 տարեկանում:
Նախագահ Սերժ Սարգսյանի ղեկավարած իշխող Հայաստանի հանրապետական կուսակցությունը ԵԺԿ անդամ է:
