Araratnews.am-ը ՀՀ քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանից տեղեկացավ, որ Ամուլսարի գործով քննչական խմբի ղեկավար Յուրա Իվանյանի նկատմամբ ծառայողական քննություն է սկսվել:
Նշենք, որ օգոստոսի 29-ին infocom լրատվական ագրեգատորը հետաքննություն էր հրապարակել, ըստ որի Յուրա Իվանյանը և ՀՀ բնապահպանության նախկին նախարար Արամայիս Գրիգորյանն ազգականներ են: Եվ վերջինս էլ հենց հաստատել է 2016 թվականին Ամուլսարի հանքի շահագործման դրական եզրակացությունը:
