Անգլիայի բանկն ու Չինաստանի ժողովրդական բանկը շուտով կստորագրեն փոխըմբռնման հուշագիր, որով չինական յուանն ավելի կմոտենա արևմտյան ֆինանսական հարթակներին: Այս մասին հաղորդում է The Wall Street Journal-ը:
Մեծ Բրիտանիայի ֆինանսների նախարար Ջորջ Օսբորնի խոսքերով` կառավարությունն անցած երեք տարվա ընթացքում ջանքեր է գործադրել, որպեսզի Լոնդոնը դառնա չինական արտարժույթի վաճառքի արևմտյան խոշորագույն կենտրոն:
Ներկայում յուանը համարվում է աշխարհի 9-րդ ամենաշատ պահանջարկն ունեցող արտարժույթը: Սակայն այն զգալի զիջում է դոլարին:
