Երեկ գիշեր Ուկրաինայի նախագահ Վիկտոր Յանուկովիչի և ընդդիմության առաջնորդներ Վիտալի Կլիչկոյի, Արսենի Յացենյուկի և Օլեգ Տյագնիբոկի մասնակցությամբ բանակցությունների արդյունքում համաձայնություն է ձեռք բերվել հրադադարի մասին։ Այս մասին հաղորդել է Ուկրաինայի նախագահի մամուլի ծառայությունը։
Կողմերը նաև որոշում են կայացրել սկսել բանակցությունների շարք՝ արյունահեղության կանխման և ստեղծված իրավիճակից դուրս գալու վերաբերյալ։
Հրադադարի և համաձայնության ձեռք բերման փաստը հաստատել է նաև ընդդիմադիր «Բատկովշինա» կուսակցության առաջնորդներից Արսենի Յացենյուկը․ «Կա դրական լուր՝ Մայդանի գրոհն ու ցուցարարների հեռացումը, որը նախատեսված էր, չեղյալ է հայտարարվել։ Հիմա հայտարարվել է հրադադար և իրավիճակի կարգավորման բանակցային գործընթացի սկիզբ»,- ասվում է Յացենյուկի հայտարարության մեջ։
