Ուկրաինայի իշխանությունները համաձայնության են եկել ընդդիմության հետ և այսօր Երևանի ժամանակով մոտավորապես ժամը 14:00-ին պետք է այն ստորագրեին Գերագույն Ռադայում: Այս մասին հաղորդում է Interfax-Ukraine-ը:
Մանրամասների մասին պատմել է իշխող «Ռեգիոնների կուսակցության» ֆրակցիայի ղեկավար Ալեքսանդր Եֆրեմովը:
Նա մասնավորապես ասել է, որ համաձայանագիրը ստորագրելուց հետո 48 ժամվա ընթացքում պետք է մշակվի համապատասխան օրենք, որով երկիրը հնարավոր է վեադառնա 2004 թվականի Սահմանադրությանը, որով զգալի պակասեցվում են նախագահի լիազորությունները:
Հիշեցնենք, որ ամբողջ գիշեր Յանուկովիչն ու ընդդիմության առաջնորդները Գերմանիայի և Լեհաստանի արտգործնախարարների մասնակցությամբ անցկացրել են բանակցություններ, որոնք տևել են 9 ժամ:
