Հայաստանի ազգային հավաքականի և Մոսկվայի «Սպարտակի» հարձակվող Յուրա Մովսիսյանի գործակալ Պատրիկ ՄըքՔեյբը հայտարարել է, որ հայ ֆուտբոլիստի ծառայություններով հետաքրքրված են անգլիական և գերմանական մի շարք ակումբներ: Այս մասին հաղորդում է R-Sport-ը:
«Մովսիսյանին արվել են առաջարկություններ, սակայն դրանցից և ոչ մեկը հավանության չի արժանացել ակումբի կողմից: Յուրան «Սպարտակի» առանցքային ֆուտբոլիստներից է, և մոսկվացիները հետաքրքրված չեն նրան վաճառելու գաղափարով:
Տեսնենք, թե ինչ կլինի տրանսֆերային պատուհանի մնացած ժամանակում: Վերջին ամիսներին Մովսիսյանը գտնվում է անգլիական և գերմանական մի շարք ակումբների ուշադրության կենտրոնում»,- ասել է ֆուտբոլիստի գործակալը:
