Ռուսաստանն անցանկալի անձ է համարել Մոսկվայում Չեխիայի դեսպանատան երկու աշխատակիցներին և պահանջել, որ նրանք Ռուսաստանը լքեն մինչև հունիսի 17-ը: Այս մասին հայտնում է Ռուսաստանի արտգործնախարարությունը:
Հունիսի 15-ին ՌԴ ԱԳՆ է կանչվել Ռուսաստանում Չեխիայի դեսպան Վիտեսլավ Պիվոնկան, ում և տեղեկացրել են Ռուսաստանի պատասխան քայլերի մասին՝ ուղղված Պրահայի կողմից Մոսկվայի նկատմամբ ոչ բարեկամական գործողություններին:
Հունիսի 5-ին Չեխիայում Ռուսաստանի դեսպանատան երկու աշխատակից համարվեցին անցանկալի անձ և վտարվեցին երկրից: Ռուսական կողմը նրանց ներկայացված մեղադրանքները համարել է անհեթեթ և անհիմն: Դիվանագետներն, իբր, ցանկացել են թունավորել երեք չեխ քաղաքական գործիչների, որոնք կապված են խորհրդային մարշալ Իվան Կոնևի հուշարձանի քանդման և Ռուսաստանի դեսպանատան դիմացի հրապարակը Բորիս Նեմցովի պատվին անվանափոխելու հետ:
