Ղրղզստանի նախագահ Սոորոնբայ Ժեենբեկովը չի մասնակցել Մոսկվայում անցկացվող տոնակատարություններին՝ նվիրված Հայրենական մեծ պատերազմում տարած հաղթանակի 75-ամյակին, քանի որ նրան ուղեկցող անձանց շրջանում Մոսկվայի օդանավակայանում հանձնած թեստերի արդյունքում կորոնավիրուս է հաստատվել։
«Ըստ ալգորիթմի, Ղրղզստանի նախագահ Սոորոնբայ Ժեենբեկովը, պատվիրակության անդամները և ուղեկցող անձինք Մոսկվա ժամանելիս հանձնել են COVID-19-ի թեստեր: Ուղեկցողներից երկուսի թեստերի պատասխանը դրական էր»,- ասված է նախագահի մամուլի ծառայության հաղորդագրության մեջ:
