Մոսկվայի «Շերեմետևո» օդանավակայանի տեխնիկական կանգառում այրվել է ԻԼ-96 օդանավը: RIA-Novosti գործակալությունը հաղորդում է, որ ըստ Արտակարգ իրավիճակների նախարարության` 2014 թվականի մարտից չօգտագործվող ինքնաթիռն անհայտ պատճառներով այրվել է: Բռնկումը եղել է ինքնաթիռի ամբողջ տարածքում: Հրդեհաշիջման աշխատանքներին մասնակցել է 63 մարդ:
Aeroflot-ի Twitter-ի էջում նշվում է, որ ինքնաթիռի այրման պատճառ ինքնաբռնկումն է: Ընթանում է քննություն: Տուժածներ չկան:
