«Մոնակոյի» հարձակվող Ռադամել Ֆալկաոն դիմել է ակումբի ղեկավարությանը` խնդրելով վաճառել իրեն այլ ակումբ արդեն առաջիկա ձմեռային տրանսֆերային պատուհանի ժամանակ: Այս մասին հաղորդում է Le 10 Sport-ը:
կոլումբիացու որոշման հիմնական պատճառն այն է, որ Ֆրանսիայում գործող հարկերի պատճառով նրան խոստացված 14 մլն եվրո աշխատավարձը կրճատվել է մինչև 7 միլիոն: Հարձակվողի ծառայություններով լրջորեն հետաքրքրված է Լոնդոնի «Չելսին»: Սակայն «մանեգասկները» պատրաստ են զիջել Ֆալկաոյի տրանսֆերային իրավունքները 80 մլն ֆունտ ստերլինգի դիմաց: Լոնդոնյան ակումբը պատրաստ չէ նման գումար վճարել, ինչը նշանակում է, որ բանակցությունները երկար կտևեն:
