Շաբաթ օրն ինդոնեզիական Բալի կղզում կկայանա «Միսս աշխարհ» գեղեցկության մրցույթը, չնայած որոշ դեսպանատների նախազգուշացումներին, որ մրցույթը կարող է տապալվել իսլամիստ ծայրահեղականների հարձակման պատճառով: Այս մասին հաղորդում է «Ամերիկայի ձայն» ռադիոկայանը:
Անվտանգության նկատառումներով մրցույթն արդեն մայրաքաղաք Ջակարտայից տեղափոխվել է Բալի: Իսլամիստները դեմ են աշխարհի ամենամեծ մուսուլմանական բնակչությունն ունեցող պետությունում նման մրցույթի անցկացման դեմ: Նրանք նշում են, որ լողազգեստներով և թեթև զգեստներով բեմ դուրս գալը վիրավորոմ է մուսուլման բնակչության կրոնական զգացմունքները:
Մեծ Բրիտանիան, Ավստրալիան և ԱՄՆ-ն Բալի մեկնող իրենց քաղաքացիներին արդեն զգուշացրել են վտանգավորության մասին:
