Բելառուսի մայրաքաղաքի պուրակներից մեկը վերանվանվել է Վենեսուելայի նախկին նախագահ Ուգո Չավեսի անունով։ Այս մասին հաղորդում է Interfax գործակալությունը։
«Այս որոշումը ճիշտ է, մանավանդ, եթե հաշվի առնենք, թե ինչ է արել Վենեսուելայի նախագահը Բելառուսի ժողովրդի համար», — ասել է Մինսկի քաղաքապետը։
Հիշեցնենք, որ Ուգո Չավեսը Բելառուսի գործող նախագահ Ալեքսանդր Լուկաշենկոյի ընկերն էր։ Հարավամերիկյան առաջնորդը 5 անգամ այցելել է Բելառուս։ Մոսկվայի հետ սրված հարաբերությունների ժամանակ, երբ Ռուսաստանը հրաժարվում էր նավթ մատակարարել Բելառուսին, Ուգո Չավեսը կազմակերպում էր իր երկրից նավթի առաքումները։
