Հարյուր միլիոնավոր դոլարների հասնող հանցավոր եկամուտներ են գեներացվել, փորձել են թաքցնել դրանց իրական ծագումը: Այսօր ԱԺ-ում ասաց ՀՀ գլխավոր դատախազ Արթուր Դավթյանը:
Դատախազի խոսքով`այսօր նախաքննական տարբեր մարմինների վարույթում քննվում են մեր երկրի համար նախադեպը չունեցող ծավալների հանցագործությունների վերաբերյալ քրեական գործեր, որոնք վերաբերում են 10 եւ ավելի տարիների` հատուկ կազմակերպված սխեմաների: «Դրանց որոշ մասով արդեն առկա են տասնյակ անձանց նկատմամբ քրեական հետապնդումներ»,- մանրամասնեց պարոն Դավթյանը:
Գլխավոր դատախազը վստահեցրեց` փաստական տվյալներ են ձեռք բերվում հանցավոր սխեմայի բոլոր օղակները, հանգամանքները հիմնավորելու վերաբերյալ:
Գլխավոր դատախազը, հիշեցնենք, խորհրդարանում ներկայացնում էր 2019 թ-ի դատախազության գործունեության հաշվետվությունը:
