Մեքսիկայում կրկին սպանել են միևնույն նարկոբարոնին

Մեքսիկացի հայտնի նարկոբարոն Նասարիո Մորենոն երեկ «կրկին» սպանվել է։ Բանն այն է, որ Մեքսիկայի իշխանությունները 2010 թվականին հայտարարել էին, որ վերացրել են հայտնի հանցագործին։ Սակայն երեկ հայտնի է դարձել, որ նարկոբարոնն իրականում ողջ է եղել այս տարիներին և սպանվել է միայն երեկ՝ փոխհրաձգության ժամանակ։ Այս մասին հաղորդում է France Presse գործակալությունը։

Նարկոբարոնի սպանության մանրամասները չեն ճշտվում։ Նրա մահվան մասին հայտնել է La Voz de Michoacan պարբերականը, որը հրապարակել է նրա դիակի լուսանկարները։

Այս տարվա սկզբից աշխարհի ամենաքրեածին երկրներից մեկի՝ Մեքսիկայի իշխանությունները նոր թափով են սկսել պայքարել նարկոկարտելների դեմ՝ սպանելով և ձերբակալելով մի շարք պարագլուխների։