ՀՀ առողջապահության նախարար Արսեն Թորոսյանը ֆեյսբուքյան ուղիղ հեռարձակման միջոցով քաղաքացիներին հորդորել է ժամանակավորապես խուսափել գրկախառնումից, համբուրվելուց՝ այսպես ասած սոցիալական շփումից:
Նախարարը քաղաքացիներին խորհուրդ տվեց չմասնակցել զանգվածային միջոցառումներին: Կամ էլ դրանք կազմակերպել գոնե սահմանափակ մարդկանցով:
«Մեր խնդիրը հիմա տարածման շղթաները կոտրելն է՝ ինչպիսին որ դրանք կան»,-ընդգծեց նախարարը:
«Մեր տարեց հայրենակիցներին խորհուրդ եմ տալիս հնարավորինս խուսափել անձնական շփումներից»,- նշեց նախարարը՝ հավելելով, որ խոսքը հատկապես քրոնիկական հիվանդություններ ունեցողներին է վերաբերում:
