Գերմանիայի սոցիալ-դեմոկրատների առաջնորդ, անցած ընտրություններում գործող կանցլեր Անգելա Մերկելի մրցակից Պեր Շթայնբրյուկը հայտարարել է մեծ քաղաքականությունից հեռանալու մասին։ Այս մասին հաղորդում է Deutsche Welle-ն։
«Իմ կարիերան ավարտվում է», — ասել է Շթայնբրյուկը կուսակցության՝ Բեռլինում ընթացող «փոքր համագումարի» ժամանակ։ Նա շեշտել է, որ այլևս չի ձգտում պաշտոններ ունենալ թե՛ կուսակցությունում և թե՛ Բունդեսթագի կուսակցության ֆրակցիայում։
Սպասվում է, որ հաջորդ շաբաթ սոցիալ-դեմոկրատները Անգելա Մերկելի քրիստոնեա-դեմոկրատական բլոկի հետ միասին բանակցություններ կսկեն մեծ կոալիցիա ձևավորելու հարցով, իսկ որոշում կայացնելուց հետո հարցը կհանվի Գերմանիայի սոցիալ-դեմոկրատական կուսակցության անդամների հանրաքվեի։
