Գերմանիայի կանցլեր Անգելա Մերկելը ընդունել է ԱՄՆ նախագահ Բարաք Օմանայի Միացյալ Նահանգներ այցելելու հրավերը: Սա Մերկելի առաջին այցը կլինի ԱՄՆ` գաղտնի ծառայությունների կողմից կանցլերի հեռախոսը գաղտնալսելու փաստը բացահայտվելուց հետո:
Օբամայի և Մերկելի միջև տեղի ունեցած հեռախոսային զրույցի ժամանակ ԱՄՆ նախագահը շնորհավորել է Մերկելին նոր կառավարություն ստեղծելու կապակցությամբ: Ինչպես նաև շուտափույթ ապաքինում է ցանկացել նրան` դահուկով սահելու հետևանքով ստացած վնասվածքից:
Ավելի վաղ Մերկելը հայտարարել էր, որ գերմանաամերիկյան հարաբերությունները փորձաշրջանում են գտնվում՝ ԱՄՆ Ազգային անվտանգության գործակալության կողմից Եվրոպական երկրների առաջնորդներին, այդ թվում և Մերկելին գաղտնալսելու պատճառով:
