Մեսսի, Նեյմար՝ 4-ական գնդակ, Ռոնալդու՝ 3 սանրվածք․ Պորտուգալիայի առաջատարը կրկին կզարմացնի երկրպագուներին (լուսանկար)

Այսօր Բրազիլիայում կկայանա Պորտուգալիայի հավաքականի մասնակցությամբ որոշիչ հանդիպումը։ Պորտուգալացիները, որոնք առաջին երկու տուրից հետո ունեն ընդամենը մեկ միավոր, այսօր պետք է խոշոր հաշվով հաղթեն Գանային և ակնկալեն, որ նման հաշվով կհաղթի նաև Գերմանիան՝ առավելության հասնելով ԱՄՆ-ի նկատմամբ։

Սակայն այս խաղը նաև մեծ հետաքրքրություն է առաջացրել այն պատճառով, որ Պորտուգալիայի առաջատար Կրիշտիանո Ռոնալդուն խաղադաշտ դուրս կգա նոր սանրվածքով, որը կլինի երրորդ այս խաղում։

Շատերը կատակում են, որ այս առաջնութոյւնում Նեյմարն ու Մեսսին իրենց հաշվեկշռում ունեն 4-ական գնդակ, իսկ Ռոնալդուն՝ 3 սանրվածք։