«Բարսելոնայի» հարձակվող Լիոնել Մեսսին վերջնականապես ապաքինվել է ոտքի վնասվածքից, որը ստացել էր Իսպանիայի լա լիգայի 7-րդ տուրում «Ալմերիայի» (2:0) հետ խաղում: Այս մասին հաղորդում է Sport.es-ը:
Ավելի վաղ կատալոնական ակումբի պաշտոնական կայքը հաղորդել էր, որ Մեսսին արդեն մարզվում է ընդհանուր խմբում: Բացի այդ, վերացվել են վնասվածքի պատճառով Մեսսիի ֆիզիկական սահմանափակումները: Հիշեցնենք, որ վաղը «Բարսելոնան» Իսպանիայի առաջնության 9-րդ տուրում խաղալու է «Օսասունայի» դեմ:
