«Բարսելոնայի» կիսապաշտպան Սերխիո Բուսկետսը խոստովանել է, որ կարոտում է նախկին գլխավոր մարզիչ Պեպ Գվարդիոլայի հետ աշխատանքը, ով ներկայումս աշխատում է Մյունխենի «Բավարիայում»: Բուսկետսը նաև անդրադարձել է Խերարդո Մարտինոյի հետ աշխատանքին:
«Մենք միշտ կարոտելու ենք նրան (Գվարդիոլային — խմբ.): Սակայն Մարտինոն շատ պահանջկոտ է և գործում է բացառապես թիմի շահերից: Նա ուժեղ բնավորություն ունի, և մշտապես առավելագույնն է պահանջում մեզանից: Եթե մենք հաղթում ենք, սակայն գոլ ենք բաց թողնում, նա միշտ քննարկում է, թե ինչու դա տեղի ունեցավ: Իհարկե մենք փոխվել ենք Մարտինոյի ղեկավարության ժամանակահատվածում, սակայն պետք է շարունակենք առաջ գնալ», — ասել է Բուսկետսը:
