Մեղուները կարող են փրկել մարդկությանը քաղցկեղից

Վերջին շրջանում աշխարհում քաղցկեղից ավելի շատ մարդ է մահանում, քան այլ հիվանդություններից։ Շատ դեպքերում այս հիվանդությունը հայտնաբերելուց հետո հիվանդները հայտնվում են հուսահատության մեջ, քանի որ բժիշկներն առայժմ չեն գտել հիվանդության արդյունավետ բուժման մեթոդներ, իսկ վիրաբուժական միջամտությունը ոչ միշտ է հանգեցնում ցանկալի արդյունքի։

Սակայն որոշ բժիշկներ պնդում են, որ այս հարցում մեղրը կարող է փրկություն հանդիսանալ քաղցկեղով հիվանդների համար։ Մինչև վերջերս և ներկայումս էլ որոշ բժիշկներ պնդում են, որ քաղցր սնունդը սնում է քաղցկեղածին բջիջները, սակայն Անդերսոնի անվան օնկոլոգիական կենտրոնի (MD Anderson’s Cancer Prevention Center) բժիշկների հետազոտությունը ցույց է տվել, որ քաղցր սննդի, այդ թվում մեղրի չափավոր օգտագործումը, չի ազդում քացկեղածին բջիջների բազմացման վրա։ Այն միայն կարող է օգուտ բերել, քանի որ մեղրը սնում է իմունային համակարգը և ուժեղացնում այն։