Արդեն տեղեկացրել ենք, որ Ավստրալիայում աննախադեպ շոգ եղանակ է հաստատվել։ Այս պատճառով նույնիսկ հետաձգվել են Ավստրալիայի թենիսի բաց առաջնության խաղերը, ինչը հազվադեպ է լինում։ Մի շարք շրջաններում երաշտի պատճառով մոլեգնում են անտառային հրդեհները։
Տուժում են նաև Մելբուրնի գազանանոցի կենդանիները։ Առյուծներին այս տապին հաճույք պատճառելու համար գազանանոցի աշխատակիցները արյունից պատրաստած պաղպաղակ են հյուրասիրել, ինչը շատ է դուր եկել աֆրիկյան կենդանուն։ Իսկ արջի պաղպաղակի մեջ եղել է միս և ձուկ։
