«Ժառանգություն» կուսակցության անդամ Ստյոպա Սաֆարյանը, մեկնաբանելով համացանցում բուռն քննարկումների առիթ դարձած տեսանյութը, որում Կոմիտաս վարդապետ Հովնանյանը գովաբանում է ՀՀ նախկին գլխավոր դատախազ Աղվան Հովսեփյանին, իր ֆեյսբուքյան էջում գրել է. «Որքան ստորաքարշ, բարոյալքված ու ընկած պետք է լինի հոգևորականը հանրության համար ակնհայտ «բարոյական» կերպարով, հանցագործությունների պարտակմամբ, հանցագործություններում ներգրավածությամբ հայտին նախկին դատախազի հասցեին նման խոսքեր բերանից արտաբերելու համար… Լսողի մոտ եթե քաղաքացիական գիտակցության փոքր-ինչ պակաս լինի, հանցագործների նման փառաբանումը եկեղեցու ներկայացուցչի կողմից լսելուց հետո հաստատ անհապաղ կվազի դեպի Կյանքի խոսք չէ, մինչև Եհովայի վկաներ: Մաքրե´ք ձեր տհաճ և անբարո ներկայությունից մեր եկեղեցին, Աստծո սիրուն…»։
